സുരക്ഷിതത്വം,

എന്തോ നിലത്തു വീണുടയുന്ന ശബ്ദം കേട്ടാണ് ഞാന്‍ ഉറക്കത്തില്‍ നിന്ന് ഞെട്ടി എഴുന്നേറ്റതു ,അതിനു പിന്നാലെ അച്ഛന്റെ   ശബ്ദം കേട്ടു,,,
നീയെന്നെ ഭ്രാന്തന്‍ ആക്കിയെ അടങ്ങൂ ഇല്ലെ???!!
അമ്മ ഉറക്കെ പറേന്നത്‌ കേട്ടൂ
 ഇനിയെന്ത് ആവാന ഇപ്പൊ തന്നെ ആണല്ലോന്നു.!!!!

അതിനു മറുപടി എന്റെ മുന്നില്‍ വന്നു വീണു,എന്റെ പാവ ,,ബട്ടന്‍ ഞെക്കിയാല്‍ പാട്ട് പാടി തലേം കയ്യും ആട്ടുന്ന പാവ,,അതിന്റെ തല വേറെ കൈ വേറെ കിടക്കുന്നു,ഞാന്‍ ആകെ പേടിച്ചരണ്ടു,ഞാന്‍ വീഴാതിരിക്കാന്‍ വെച്ച തലയണയുടെ മേലെ കയറി ഞാന്‍ ആ പാവയുടെ മുഖത്ത് നോക്കി,കണ്ണുകള്‍ അടഞ്ഞിരുന്നു,

ഞാന്‍ പതുക്കെ കിടക്കയില്‍ ഇരുന്നു,സാധാരണ ഉറക്കം കഴിഞ്ഞാല്‍ കരച്ചിലോടെയാ  എഴുന്നേല്‌ക്കുന്നെ ,, അപ്പോഴാ അമ്മയും അച്ഛനും  ഓടി വരുന്നേ..ഇന്ന് പക്ഷെ എനിക്ക് കരയാന്‍ പോലും പേടിയായി,,ഞാന്‍ കരഞ്ഞാല്‍ എന്നെയും  ഇതുപോലെ എടുത്ത് എറിഞ്ഞാലോ?

കുറച്ചു കഴിഞ്ഞപ്പോ ശബ്ദം ഒക്കെ നിലച്ചു,അച്ഛന്‍   എന്റെ അടുത്ത് വന്നു ,,
അച്ച്ചെടെ മോള്‍ എഴുന്നെറ്റാരുന്നോ?പേടിച്ചു പോയോ?
എന്നൊക്കെ ചോദിച്ചു,ഞാന്‍ ഓടി അച്ഛന്റെ   നെഞ്ചില്‍ കേറി,,

അച്ഛനാണോ   തെറ്റ് ചെയ്തെ അല്ല അമ്മയാണോ തെറ്റ് ചെയ്തെ എന്നെനിക്കറീല്ല,പക്ഷെ   അച്ഛന്റെ നെഞ്ചില്‍ തല ചായ്ച്ചു കിടക്കുമ്പോ ലോകത്തിലെ ഏറ്റവും സുരക്ഷിതമായ സ്ഥ ലം അതാണെന്ന് എനിക്കറിയാം....